|
БАРИЛГА, БАРИЛГЫН МАТЕРИАЛЫН БОДЛОГО ЗОХИЦУУЛАЛТЫН ГАЗАР
- Барилга, нийтийн аж ахуй, орон сууц, инженерийн дэд бүтцийн салбарт төрөөс баримтлах бодлого, хууль тогтоомж, дүрэм, журам, норм, нормативын баримт бичиг, стандартын төсөл боловсруулах, боловсронгуй болгох ажлын хэрэгжилтийг зохицуулах, мэргэжлийн удирдлагаар хангах;
- салбарт шинээр хэрэгжүүлэх төсөл, хөтөлбөрийн тооцоо судалгаа хийх, санал боловсруулахад мэргэжлийн удирдлагаар хангах, хэрэгжилтийг зохицуулах;
- салбарын норм, нормативын баримт бичиг боловсруулах ажлын хэрэгжилтийг зохицуулах, мэргэжлийн удирдлагаар хангах;
- барилга, барилгын материалын үйлдвэрлэл, барилга байгууламж, инженерийн шугам сүлжээний зураг төсөл, газар хөдлөлт, өргөх байгууламж, барилга байгууламжийн ашиглалт, барилгын салбарын төсөв үнэ бүрдэл, хөдөлмөрийн аюулгүй байдал, эрүүл ахуйн бодлого боловсруулах, хэрэгжилтийг зохицуулах;
- эрчим хүч, ус, байгалийн нөөцийг хэмнэх, хүлэмжийн хийн ялгарал, хог хаягдлыг бууруулах “Тогтвортой хөгжлийн зорилго”-д нийцүүлэн эрчим хүчний нөөцийн хэмнэлттэй, хүрээлэн буй орчинд үзүүлэх сөрөг нөлөө багатай “Ногоон” барилгын үйлдвэрлэлийг хөгжүүлэх, шинэ дэвшилтэт материал, бүтээгдэхүүн, техник, технологи, инноваци нэвтрүүлэх, бодлого боловсруулах, хэрэгжилтийг зохицуулах, мэргэжил, арга зүйн зөвлөгөө, дэмжлэг үзүүлэх;
- барилга, инженерийн дэд бүтцийн бодлого боловсруулах, чанарын хяналтын тогтолцоог сайжруулах ажлыг мэргэжлийн удирдлагаар хангах;
- салбарын төрийн болон төрийн бус байгууллагуудын үйл ажиллагааны уялдаа холбоог хангаж, харьяа байгууллагуудын үйлчилгээний чанар, хүртээмжийг сайжруулахад талаар мэргэжил, арга зүйн зөвлөгөө өгөх, удирдамжаар чиглүүлэх, хэрэгжилтийг хангуулах, зохицуулах;
- барилгын үйл ажиллагааг зохион байгуулахад мэргэжил, арга зүйн зөвлөгөө, удирдамжаар чиглүүлэх, хэрэгжилтийг хангуулах, зохицуулах;
- салбарын суурь судалгаа, хэрэгжиж буй бодлого, төсөл, хөтөлбөрийн талаарх мэдээллээр удирдлага, дээд шатны байгууллага, хуулийн этгээд, иргэдийг хангах;
- хот төлөвлөлттэй уялдуулж инженерийн дэд бүтцийг хөгжүүлэх, дэд бүтцээр хангах бодлого боловсруулах;
- газар хөдлөлтийн гамшгийн эрсдэлийг бууруулах чиглэлээр салбарын холбогдох хууль тогтоомж, бодлого, хөтөлбөр, төслийг боловсруулахад төрийн болон төрийн бус байгууллага, олон улсын байгууллагуудтай хамтран ажиллах;
- хөдөлмөрийн аюулгүй байдал, эрүүл ахуйн чиглэлээр холбогдох яам, агентлагтай хамтран ажиллах, нэгдсэн бодлого, хөтөлбөр, төсөл боловсруулахад мэргэжил, арга зүйн зөвлөгөө, туслалцаа үзүүлж хамтран ажиллах;
- салбарын гадаад хамтын ажиллагааг хөгжүүлэх, олон улсын сайн туршлага, арга зүй, аргачлалыг судлах, өөрийн оронд нэвтрүүлж, нутагшуулах ажлыг холбогдох нэгж, байгууллагатай хамтран зохион байгуулах;
- гамшгийн эрсдэлийн бууруулах үндэсний зөвлөлийн дэргэд “Газар хөдлөлтийн гамшгаас урьдчилан сэргийлэх, эрсдэлийг бууруулах, бэлэн байдлыг хангах, үйл ажиллагааг уялдуулан зохицуулах байнгын ажиллагаатай дэд зөвлөл”-ийн төлөвлөгөөг боловсруулахад мэргэжил арга зүй тусалалцаа үзүүлж, хэрэгжилтийг хангах;
- Монгол Улсын Үндэсний аюулгүй байдлын зөвлөлийн үзэл баримтлалын биелэлтийн гаргуулах, мэргэжлийн удирдлагаар хангах;
- барилгын салбарын Хөдөлмөрийн аюулгүй байдал, эрүүл ахуйн салбар хорооны үйл ажиллагаа зохион байгуулж мэргэжлийн удирдлагаар хангах;
- Барилга, хот байгуулалтын яамны дэргэдэх Хөгжлийн бэрхшээлтэй хүний эрхийг хангах орон тооны бус дэд зөвлөлийн үйл ажиллагааг зохион байгуулж мэргэжлийн удирдлагаар хангах.
|
