БАРИЛГА, ХОТ БАЙГУУЛАЛТЫН САЙД Б.МӨНХБААТАР БНСУ-ЫН ОЛОН УЛСЫН ХАМТЫН АЖИЛЛАГААНЫ НИЙГЭМЛЭГ /КОЙКА/-ИЙН МОНГОЛ УЛС ДАХЬ СУУРИН ТӨЛӨӨЛӨГЧ ХАТАГТАЙ ЖУ ХЭН НАН-ЫГ ХҮЛЭЭН АВЧ УУЛЗАВ

2020 / 07 / 31

Барилга, хот байгуулалтын сайд Б.Мөнхбаатар 2020 оны 07 дугаар сарын 31-ний өдөр БНСУ-ын Олон улсын хамтын ажиллагааны нийгэмлэгийн Монгол Улс дахь суурин төлөөлөгч Жу Хэн Наныг хүлээн авч хоёр талын уулзалт хийв.

 

Уулзалтаар Барилга хот, байгуулалтын сайд Б.Мөнхбаатар БНСУ-ын хот байгуулалтын туршлага, салбарын чадавхийг сайжруулах, техник технологийг Монгол Улсад нэвтрүүлэх чиглэлээр хамтран ажиллах санал тавьж, суурин төлөөлөгч Жу Хэн Нан уг асуудлыг дэмжиж ажиллахаа илэрхийлсэн

 

БНСУ-ын Олон улсын хамтын ажиллагааны нийгэмлэг /КОЙКА/-ийн суурин төлөөлөгч Жу Хэн Нан ухаалаг хот, бичил төвүүдийг бүтээн байгуулах чиглэлээр хэрэгжүүлэх төсөл хөтөлбөрүүдийг дэмжиж ажиллах сонирхолтой байгааг онцлов.

 

Уулзалтын эцэст Барилга, хот байгуулалтын яам, БНСУ-ын Олон улсын хамтын ажиллагааны нийгэмлэг /КОЙКА/-тай ойрын хугацаанд хамтын ажиллагааны чиглэлийг тодорхойлох ажил хэргийн уулзалт дахин зохион байгуулахаар тохиролцов.

 


Сэтгэгдэл байхгүй байна

Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй.
Шинэ мэдээ
Их уншсан