БАРИЛГА, ХОТ БАЙГУУЛАЛТЫН САЙД Б.МӨНХБААТАР ГАВЬЯАТУУДДАА ХҮНДЭТГЭЛ ҮЗҮҮЛЛЭЭ
Монгол Улсын Ерөнхийлөгчийн 2021 оны тавдугаар сарын 94 дүгээр зарлигаар барилгын салбарын 11 хүнийг “Монгол Улсын гавьяат барилгачин” цол тэмдгээр шагналаа. Өнөөдөр Барилга, хот байгуулалтын сайд Б.Мөнхбаатар, Дэд сайд Э.Золбоо нар барилгын салбарт хийсэн бүтээснээ үнэлүүлсэн гавьяатуудаа хүлээн авч хүндэтгэл үзүүллээ. Б.Мөнхбаатар сайд салбарын гавьяат барилгачиддаа хандаж “Ахмад, дунд залуу үеийн залгамж холбоог бэхжүүлэх нь чухал. Ахмад үеийнхэн та бүхэн дунд үедээ уламжлуулж, залуу үеийнхэнд зааж сургаж салбарын бодлого, цаашдын ирээдүй тодорхойлогдоно. Та бүхэн минь хийсэн бүтээснээ Төрдөө үнэлүүлж байгаад баяртай байна. Та бүхний цаашдын ажил үйлст амжилт хүсэж, гэр бүлийнхэнд нь талархал илэрхийлье. Хүний амжилтын цаана гэр бүл байдаг. Тиймээс Гавьяат гэх эрхэм хүндтэй одон медаль та бүхний энгэрт гялалзаж байна” гэсэн юм.
Монгол Улсын барилгын салбарт 1964 оноос хойш 99 гавьяат барилгачин төрсөн байдаг. Ийнхүү 11 гавьяат нэмэгдсэнээр 95 жилийн түүхтэй барилгын салбар 110 гавьяат барилгачинтай боллоо.
Оцолын Балдорж “Таван Үндэс” ХХК-ны зөвлөх,
Чулууны Цэдэнбалжир “Том харш” ХХК-ийн зөвлөх инженер
Чүлтэмийн Лувсанцэвээн Архангай аймгийн Эрдэнэбулган сумын ахмад настан, ахмад барилгачин
Ламжавын Эрдэнэчимэг “Жигүүр гранд” группийн арматурчин
Батсүхийн Цогт “Голомт өргөө” ХХК-ийн захирал
Алтангэрэлийн Мягмаржав “Бодь интернэшнл” ХХК-ийн инженер
Батмөнхийн Цогтсэргэлэн “Их модун” ХХК-ийн ерөнхий захирал
Цэндийн Шинэзориг “ЗМЗ” ХХК-ийн зөвлөх инженер
Д.Лхагвасүрэн Улаанбаатар барилга компанийн инженер
н.Даваасүрэн Тайгам алтай” ХХК
