Авлигын эсрэг үйл ажиллагааны талаар гаргасан удирдлагын зөвлөлийн шийдвэр /2020/

БАРИЛГА, ХОТ БАЙГУУЛАЛТЫН ЯАМНЫ УДИРДЛАГЫН ЗӨВЛӨЛИЙН ХУРАЛДААНЫ ТЭМДЭГЛЭЛЭЭС

2020.01.31                                                      №02

ХЭЛЭЛЦСЭН НЬ:

1. Улсын Их Хурлын 2016 оны 51 дүгээр тогтоолоор батлагдсан “Авлигатай тэмцэх үндэсний хөтөлбөр”-ийн 2019 оны хэрэгжилтийн тайлан;
2. Цаг үеийн асуудлаар хэлэлцсэн тухай.

ШИЙДВЭРЛЭСЭН НЬ:

1. “Авлигатай тэмцэх үндэсний хөтөлбөр”-ийн 2019 оны хэрэгжилтийн тайланг хэлэлцэж, Авлигатай тэмцэх газарт хүргүүлэхээр тогтов;
2. 2019 онд хэрэгжсэн боловч дараах заалтыг цаашид үргэлжлүүлэн хэрэгжүүлэхэд анхаарч газрын болон төрийн албан хаагчийн гүйцэтгэлийн төлөвлөгөөнд тусгахыг ТЗУГ /Д.Баярсайхан/-т даалгав. Үүнд:

• 4.1.1.1.1.Төрийн албаны зөвлөлийн болон салбар зөвлөлийн дүгнэлт, нийтийн албанд томилогдохоор нэр дэвшсэн этгээдийн Хувийн ашиг сонирхлын урьдчилсан мэдүүлэг (ХАСУМ)-ийг хянасан дүгнэлтийг олон нийтэд ил тод, нээлттэй болгох;
• 4.1.1.1.3.ХАСУМ-д хавсаргаж ирүүлэх баримт бичгийн жагсаалтад Төрийн албаны зөвлөлийн болон салбар зөвлөлийн дүгнэлтийг оруулах;
• 4.1.1.9.1.Төрийн байгууллагуудын албан хэрэг хөтлөлтийн системүүдтэй нийтийн түлхүүрийн дэд бүтцийг холбох арга хэмжээг авах;
• 4.1.1.1.5.Төрийн захиргааны төв байгууллагын хүний нөөцийн жагсаалт, төрийн албанаас түр чөлөөлөгдсөн, Төрийн албаны тухай хуульд заасан үндэслэлээр  чөлөөлөгдсөн төрийн албан хаагчийн нөөцийн бүртгэлийг ил тод, нээлттэй болгох арга хэмжээг хэрэгжүүлэх;

1. Тус яамны чиг үүрэгт хамааралгүй заалтыг биелэлт ирүүлэх хүснэгтээс хасуулах саналыг Авлигатай тэмцэх газарт хүргүүлэх;
2. Эрх бүхий албан тушаалтны зүгээс мэдүүлэг гаргагчаас Хувийн ашиг сонирхлын мэдүүлэг болон хөрөнгө, орлогын мэдүүлгийг цахим хэлбэрээр хүлээн авах арга хэмжээг шуурхай зохион байгуулж, дуусгахад анхаарах.

БАРИЛГА, ХОТ БАЙГУУЛАЛТЫН ЯАМ