БХБЯ ЦАГ ҮЕИЙН АСУУДЛААР ХЭВЛЭЛИЙН БАГА ХУРАЛ ХИЙЛЭЭ
Өнөөдөр буюу 2022.03.16-ны өдөр зохион байгуулсан хэвлэлийн бага хуралд Барилга, хот байгуулалтын дэд сайд Э.Золбоо, БХБЯ-ны Төрийн нарийн бичгийн дарга С.Магнайсүрэн, тус яамны Барилга, барилгын материалын үйлдвэрлэлийн бодлогын хэрэгжилтийг зохицуулах газрын дарга Д.Гантулга, Нийтийн аж ахуй, инженерийн дэд бүтцийн бодлогын хэрэгжилтийг зохицуулах газрын дарга Г.Цогтсайхан, яамны Барилгын материалын үйлдвэрлэлийн хэлтсийн дарга Д.Батзориг, Барилгын хөгжлийн төвийн дарга Ц.Амарсанаа, Төв цэвэрлэх байгууламжийг шинээр байгуулах төслийн зохицуулагч Т.Болорчулуун нар оролцож, сэтгүүлчдийн асуултад хариулт өглөө.
Цементийн үнийн өсөлт, барилгын материалын татан авалт, бүтээн байгуулалтын ажлуудын төсөвт өртгийн өөрчлөлттэй холбоотой магадлал хийж байгаа эсэх, төв болон аймгуудын цэвэрлэх байгууламжийн төсөл хөтөлбөрийн явц, барилгын норм дүрэм, дулаалгын материалын стандарт, ипотекийн зээлийн санхүүжилт зэрэг асуудлын хүрээнд сэтгүүлчид асуулт асууж, мэдээлэл авлаа.
