УЛААНБААТАР ХОТЫН VII, XIV, МҮОНРТ-ИЙН ХОРООЛЛЫН ОРОН СУУЦ, ДЭД БҮТЦИЙН ТӨСӨЛ

2019 / 04 / 11

Төслийн зорилго: Улаанбаатар хотын агаарын болон хөрсний бохирдлыг бууруулах, VII, XIV хорооллыг барилгажуулах эхлэлийг тавих, VII хороолол, МҮОНРТ орчмын хорооллыг инженерийн дэд бүтцэд холбох, VII, МҮОНРТ-ийн хорооллын цахилгаан хангамжийг сайжруулахад оршино.

Төслийн зорилтууд:

1-р зорилт: Улаанбаатар хотын VII, XIV хороололд нийт 2592 айлын орон сууц барих.

2-р зорилт: Орон сууцны VII хорооллын гадна инженерийн шугам сүлжээний угсралтын ажлыг гүйцэтгэх.

3-р зорилт: МҮОНРТ-ын орчмын хорооллын гадна инженерийн шугам сүлжээний угсралтын ажлыг гүйцэтгэх.

4-р зорилт: Улаанбаатар хотын VII хороолол, МҮОНРТ-ийн орчмын хорооллыг цахилгааны эх үүсвэрээр хангах 23,3 км урттай цахилгаан дамжуулах агаарын шугам болон “Улаанбаатар” дэд станцын өргөтгөл, “7-р хороолол”, “Радио телевиз” дэд станцын угсралтын ажлыг гүйцэтгэх.

Төслийн хүрээнд хийгдсэн томоохон ажлууд:

1.VII, XIV хороололд нийт 2592 айлын орон сууц ашиглалтад орсон.
2.Улаанбаатар хотын VII хороолол, МҮОНРТ-ийн орчмын хорооллыг цахилгааны эх үүсвэрээр хангах 23,3 км урттай цахилгаан дамжуулах агаарын шугам болон “Улаанбаатар” дэд станцын өргөтгөл, “7-р хороолол”, “Радио телевиз” дэд станцын угсралтын ажлын гүйцэтгэл 100%,
3.7-р хороололд дулааны ф159мм-ф426мм диаметр бүхий нийт 770,2м /хос шугам/ шугам сүлжээ, цэвэр усны ф300 мм диаметр бүхий 3948 метр шугам сүлжээ, ус дулаан дамжуулах төвүүдийн барилга, тоног төхөөрөмжийн угсралтын ажил бүрэн дууссан.

4.Бохир усны 21-р коллекторын ф600 мм диаметр бүхий 1600 метр шугам сүлжээ, ф200-ф400мм диаметр бүхий 1912 метр шугам сүлжээг тус тус барьж дуусган 2015-2016 онд ашиглалтанд оруулсан.


 


Сэтгэгдэл байхгүй байна

Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй.
Шинэ мэдээ
Их уншсан