ТӨРИЙН НАРИЙН БИЧГИЙН ДАРГА С.МАГНАЙСҮРЭН ҮНДЭСНИЙ СТАТИСТИКИЙН ХОРООНЫ ТӨЛӨӨЛЛИЙГ ХҮЛЭЭН АВЧ УУЛЗЛАА

БХБЯ-ны Төрийн нарийн бичгийн дарга С.Магнайсүрэн өнөөдөр “Засгийн газрын яам, агентлагуудын салбарын статистикийн үйл ажиллагаа эрхлэн гүйцэтгэх нэгжийн үйл ажиллагаатай танилцаж, Статистикийн тухай хуулийн хэрэгжилтийг сайжруулах, зөвлөн туслах зорилготой ажлын хэсэг”-ийнхийг хүлээн авч уулзлаа. Уг ажлын хэсгийг Үндэсний статистикийн хорооны тамгын газрын дарга Б.Лхагва ахалж байгаа юм. Уулзалтаар Барилга, хот байгуулалтын яамнаас салбарын статистикийн үйл ажиллагааны чиглэлээр хийж, хэрэгжүүлж буй ажлаа танилцуулж, харилцан мэдээлэл солилцож, барилгын салбарын статистикийн мэдээ, мэдээллийн чанар, хамрах хүрээг нэмэгдүүлэх талаар хамтарсан төлөвлөгөө гарган ажиллахаар тохиролцлоо.

Тус уулзалтад БХБЯ-ны Төрийн захиргааны удирдлагын газрын дарга Д.Баярсайхан, Статистик, мэдээллийн технологийн хэлтсийн дарга Н.Нарантуяа, ахлах мэргэжилтэн Б.Мөнхбаяр, БХТ-ийн хэлтсийн дарга Т.Ганбаатар, ББМҮХ-ийн ахлах мэргэжилтэн Б.Батчимэг ҮСХ-ны газрын А.Дэмбэрэл, А.Амарбал, Ш.Ариунболд, хэлтсийн дарга С.Тодгэрэл, ахлах статистикч Д.Баасан нар оролцлоо.


Сэтгэгдэл байхгүй байна

Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй.
Шинэ мэдээ
Их уншсан